"ਧੰਨ ਸ਼੍ਰੀ ਗੁਰੂ ਰਾਮਦਾਸ ਸਾਹਿਬ ਜੀ"

 . 

" ਧੰਨੁ ਧੰਨੁ ਰਾਮਦਾਸ ਗੁਰੁ, ਜਿਨਿ ਸਿਰਿਆ ਤਿਨੈ ਸਵਾਰਿਆ !!

ਜੀਵਨੀ : 
ਪਿਤਾ :            ਹਰੀ ਦਾਸ ਜੀ
ਮਾਤਾ :            ਦਇਆ ਕੌਰ ਜੀ
ਜਨਮ :           ੧੫੩੪, ਚੂਨਾ ਮੰਡੀ, ਪਾਕਿਸਤਾਨ
ਪਤਨੀ :          ਬੀਬੀ ਭਾਨੀ ਜੀ
ਸੰਤਾਨ :          ਪ੍ਰਿਥੀ ਚੰਦ, ਮਹਾ ਦੇਵ, ਅਤੇ ਅਰਜਨ ਸਾਹਿਬ ਜੀ
ਗੁਰਤਾ-ਗੱਦੀ :  ੧੫੭੪
ਬਾਣੀ ਰਚਨਾ :  ੬੩੮ ਸ਼ਬਦ, ਸਲੋਕ ਅਤੇ ਛੰਦ (ਤਕਰੀਬਨ)
ਜੋਤੀ-ਜੋਤ :      ੧੫੮੧, ਗੋਇੰਦਵਾਲ ਸਾਹਿਬ ਵਿਖੇ



ਗੁਰਤਾ-ਗੱਦੀ ਤੋ ਪਹਿਲਾਂ ਗੁਰੁ ਜੀ ਦਾ ਨਾਮ " ਭਾਈ ਜੇਠਾ " ਜੀ ਸੀ ! ਆਪ ਜੀ ਆਪਣੇ ਮਾਤਾ ਜੀ ਵੱਲੋ ਬਣਾਏ ਗਏ ਕਾਲੇ ਛੋਲੇ ਰੋਜ਼ਾਨਾ ਵੇਚਣ ਜਾਂਦੇ ਸਨ, ਇੱਕ ਦਿਨ ਆਪ ਜੀ ਨੇ ਸੰਗਤ ਪਾਸੋਂ ਗੁਰਬਾਣੀ ਸਰਵਨ ਕੀਤੀ ਅਤੇ ਪੁੱਛਣ ਤੇ ਗੁਰੁ ਅਮਰਦਾਸ ਸਾਹਿਬ ਜੀ ਦੀ ਮਹਿਮਾ ਸੁਣੀ ਅਤੇ ਸੰਗਤ ਨਾਲ ਹੀ ਗੋਇੰਦਵਾਲ ਸਾਹਿਬ ਗੁਰੁ ਜੀ ਦੇ ਦਰਸ਼ਨਾ ਲਈ ਰਵਾਨਾ ਹੋ ਗਏ !

ਆਪ ਜੀ ਗੁਰੁ ਸਾਹਿਬ ਜੀ ਦੇ ਦਰਸ਼ਨਾ ਤੋ ਇੰਜ ਨਿਹਾਲ ਹੋਏ ਕਿ ਓਹਨਾ ਕੋਲ ਹੀ ਸੇਵਾ ਕਰਨ ਲਈ ਠਹਿਰ ਗਏ !

ਕਾਫੀ ਸਮਾਂ ਓੱਥੇ ਬਿਤਾ ਕੇ ਆਪ ਜੀ ਅੰਮ੍ਰਿਤਸਰ ਪੁੱਜੇ ਜੋ ਕਿ "ਰਾਮਦਾਸ ਪੁਰ" ਦੇ ਨਾਮ ਨਾਲ ਜਾਣਿਆ ਜਾਂਦਾ ਸੀ ! ਆਪ ਜੀ ਨੇ ਸ਼੍ਰੀ ਦਰਬਾਰ ਸਾਹਿਬ ਵਿਖੇ ਦੁੱਖ-ਭੰਜਨੀ ਬੇਰੀ ਲਾਗੇ ਸਰੋਵਰ (ਅੰਮ੍ਰਿਤਸਰ) ਦੀ ਉਸਾਰੀ ਆਰੰਭ ਕਾਰਵਾਈ ਜਿਸ ਨੂੰ ਸੰਪੂਰਨ ਗੁਰੁ ਅਰਜਨ ਸਾਹਿਬ ਜੀ ਨੇ ਕਰਵਾਇਆ !

ਗੁਰੁ ਜੀ ਨੇ ਲੰਗਰ ਪ੍ਰਥਾ ਨੂੰ ਵਧੇਰੇ ਪ੍ਰਫੁਲਿਤ ਕੀਤਾ ! ਆਪ ਜੀ ਨੇ ਸਮੂਹ ਲੋਕਾਈ ਨੂੰ " ਲਾਵਾਂ " ਬਾਣੀ ਬਖਸ਼ੀ ਅਤੇ ਹੁਕਮ ਕੀਤਾ ਕਿ ਵਿਆਹ ਸਮੇਂ ਇਸ ਬਾਣੀ ਨੂ ਪੜਿਆ ਅਤੇ ਸਮਝਿਆ ਜਾਵੇ ! ਲਾਵਾਂ ਬਾਣੀ ਸ਼੍ਰੀ ਗੁਰੁ ਗ੍ਰੰਥ ਸਾਹਿਬ ਜੀ ਦੇ ਅੰਗ: ੭੭੩ ਉੱਤੇ ਅੰਕਿਤ ਹੈ ਜੀ !

ਗੁਰੁ ਸਾਹਿਬ ਜੀ ੧੫੮੧ ਵਿੱਚ ਆਪਣੇ ਤਿੰਨੋ ਪੁੱਤਰਾਂ ਦੇ ਵਿਚੋਂ ਸਭ ਤੋਂ ਛੋਟੇ " ਗੁਰੁ ਅਰਜਨ ਸਾਹਿਬ" ਜੀ ਨੂੰ ਗੁਰਤਾ-ਗੱਦੀ ਬਖਸ਼ਦੇ ਹੋਏ ਜੋਤੀ-ਜੋਤ ਸਮਾਂ ਗਏ !



ਹੋਈਆਂ ਬਿਅੰਤ ਭੁੱਲਾਂ ਦੀ ਖਿਮਾ ਕਰਨੀ ਜੀ,



ਵਾਹਿਗੁਰੂ ਜੀ ਕਾ ਖਾਲਸਾ
ਵਾਹਿਗੁਰੂ ਜੀ ਕੀ ਫਤਿਹ !!


ਦਾਸ,
ਗੁਰਮਤ ਪ੍ਰਚਾਰ ਕੋਂਸਿਲ, ਲੁਧਿਆਣਾ